http://kksongs.org/image_files/image002.jpg

Krsna Kirtana Songs est. 2001                                                                                                                                                 www.kksongs.org


Home ⇒ Song Lyrics ⇒ I

Song Name: Indranila Mani Manjula

Official Name: Volume 1 Prathama Sri Kunjaviharyastakam

Author: Rupa Goswami

Book Name: Stavamala

Language: Sanskrit

 

A

 

LYRICS:

(१)

इन्द्रनीलमणिमञ्जुलवर्णः

फुल्लनीपकुसुमाञ्चितकर्णः

कृष्णलाभिरकृशोरसि हारी

सुन्दरो जयति कुञ्जविहारी

 

(२)

राधिकावदनचन्द्रचकोरः

सर्वबल्लववधूधृतिचौरः

चर्चरीचतुरताञ्चितचारी

चारुतो जयति कुञ्जविहारी

 

(३)

सर्वतः प्रथितकौलिकपर्व

ध्वंसनेन हृतवासवगर्वः

गोष्ठरक्षणकृते गिरिधारी

लीलया जयति कुञ्जविहारी

 

(४)

रागमण्डलविभूषितवंशी

विभ्रमेण मदनोत्सवशंसी

स्तूयमानचरितः शुकसारी

श्रेणिभिर्जयति कुञ्जविहारी

 

(५)

शातकुम्भरुचिहारिदुकूलः

केकिचन्द्रकविराजितचूलः

नव्ययौवनलसद्व्रजनारी

रञ्जनो जयति कुञ्जविहारी

 

(६)

स्थासकीकृतसुगन्धिपटीरः

स्वर्णकाञ्चिपरिशोभिकटीरः

राधिकोन्नतपयोधरवारी

कुञ्जरो जयति कुञ्जविहारी

 

(७)

गौरधातुतिलकोज्ज्वलभालः

केलिचञ्चलितचम्पकमालः

अद्रिकन्दरगृहेष्वभिसारी

सुभ्रुवाम्जयति कुञ्जविहारी

 

(८)

विभ्रमोच्चलदृगञ्चलनृत्य

क्षिप्तगोपललनाखिलकृत्यः

प्रेममत्तवृषभानुकुमारी

नागरो जयति कुञ्जविहारी

 

(९)

अष्टकं मधुरकुञ्जविहारि

क्रीडया पठति यः किल हारि

स प्रयाति विलसत्परभागं

तस्य पादकमलार्चनरागम्

 

UPDATED: October 28, 2015